GURE ETXEAK

Danbolinea etxea Urrotz erdian dago, naturaz, harmoniaz eta lasaitasunez inguratuta dagoen 180 biztanleko herri txiki bat.

Zalantzarik gabe, herriak duen tokirik erakargarriena Leurtzako urtegiak dira, Urrotzen eta Beintza-Labaienen lurretan daudenak. 

381 hektareako gune hori Nafarroako Gobernuak aisiarako natura-eremu izendatu zuen 1987an, dituen balio ekologikoak zaintzeko helburuz. Bertan oso fauna aberatsa aurkitzen da eta, horren barnean, baso-igel gorria nabarmentzen da. 

Seinale bidez adierazitako zenbait ibilbide daude inguru horretan, urtegietan bainatzea libre da eta mahaiak dituzten piknikguneak ere badaude.

Azpimarratzekoa da San Migel eliza; bertan, Ama Birjina Haurrarekin irudi gotikoa ikus dezakegu. Arkitektura zibilari dagokionez, harrizko etxe ederrak aurkitzen ditugu.

Landetxea Baztango harri tipikoarekin eraikita dago eta oso abegitsua da, bost lagunentzako lekua du eta natura betean oso egonaldi atsegina igarotzeko erosotasun guztiak ditu.